Histoire de Montdidier
Livre I - Pièce justificative 5
par Victor de Beauvillé

In nomine Patris et Filii et Spiritus sancti. Amen. Ego Philippus, Dei gratia comes Flandrensium et Virmandorum cum venerabili conjuge nostra Elisabeth, notum fieri volo universis, tempore predecessoris nostri Radulphi comitis, commutationem quamdam factam fuisse inter ecclesiam Corbeie et Rorgonem de Roia de quadam villa santi Petri que vocatur Moncis inter duo castella Cosdum et Gornay super Arunnam fluviolum sita et de decima de Rokencourt cum terra et hospitibus quibusdam et quod ad feodum ilium pertinebat, assentiente rege Franciæ Ludovico de quo ecclesia villam illam tenebat et Radulpho de Cosdum qui de predicto comite Radulpho decimam cum terra et hospitibus libere in feodo tenebat et eam Rorgoni supra dicto de Roia cum filia sua in matrimonium tradiderat, ea videlicet ejusdem ville et masura una libera ad comitis feodum transieret et decima de Rokencourt cum terra et hospitibus et quod ad feodum pertinet in eleemosina et possessione Corbeiensis ecclesie in perpetuum remaneret. Tempore autem comitatus mei cum ego de predicta villa hominium meum requirerem, Rorgo qui villam tenebat diem a me accepit quo coram me apud Mondesiderium assisteret et Radulphum de Cosdum dominum suum adduceret, qui nisi ea ei guarans idoneus existeret, ipse Rorgo postea mihi faceret de feodo illo quod curia nostra judiceret. Venit dies constitutus. Rorgo Radulphum adduxit, qui nullam ei guarandiam tulit, nec judicium curie et parium suorum Viremandensium super hoc volens audire absque licentia de curiæ recessit. Rorgo autem taliter a suo domino derelictus, judicio baronum Viromandensium qui astabant quia guarans sicut debuerat non habuit, mihi adjudicatus est et de manu mea nullo mediante in feodum supra dictam villam Monchi recepit. Rogati itaque ab abbate Corbeie et fratribus ego et venerabilis uxor mea Elisabeth propter pacem ecclesie ne inde futuris temporibus in aliquo gravarentur commutationem istam taliter prius factam et postes tempore recognitam fuisse testamur et sigillorum nostrorum impressione et fidelium nostrorum Viromandensium attestatione roboramus. Testes Hugo abbas Sancti-Quentini de Monte, Robertus de Bova, Bernardus de Sancto-Walarico, Alelmus Ambianensis, Gerardus vicedominus Pinconiensis, Bernardus de Morolio, Rorgo de Tornella, Adam Rabies de Mondisderio, Nevelo de Villers, Radulphus de Troncoi, Wermundus de Roia, et Hugo filius ejus, Symon de Cella, et Robertus frater ejus, Albertus de Frameriviila, Odo dominus Hamensis, Johannes Daties, Rorgo de Faiel et Symon frater ejus, Jacobus de Guisa, Fulco de Carorivo.