Histoire de Montdidier
Livre II - Pièce justificative 69
par Victor de Beauvillé

Ex audientia Sanctissimi.

Sanctissimus dominus noster Pius papa IX, omnibus sodalibus piæ confraternitatis sub titulo sanctorum martyrum Lugli et Lugliani, in parochiali de qua in precibus ecclesia, canonice erectæ indulgentias ut infra, fidelibus quoque defunctis applicabiles, benigne in perpetuum concessit ; plenariam nempe die prima eorum receptionis in eamdem piam confraternitatem, si vere pœnitentes confessi, sacraque communione refecti, dictam ecclesiam, juxta mentem sanctitatis suæ, per aliquod temporis spatium orando, visitaverint et similiter plenariam in mortis articulo acquirendam, dummodo rite, ut supra sint dispositi vel saltem sanctissimum Jesu nomen corde si ore nequiverint, devoti invocaverint et pariter plenariam die qua in eadem ecclesia festum principale prælaudate confraternitatis de ordinarii pio tempore licentia celebrabitur, incipiendam a primis vesperis usque ad ejusmodi diei solis occasum, et septem annorum totidemque quadragenarum indulgentiam quatuor alüs infra annum festis diebus, per actualem ordinarium semel tantum eligendis, si ut supra rite dispositi fuerint, visitaverint et oraverint, ac tandem sexaginta dierum indulgentiam pro quolibet pio opere quod, corde saltem contrito et devote peragerint, presentibus valituris, servatis tamen servandis, juxta constitutionem sanctissimi Clementis papa VIII, subdatum Romæ apud s. Petrum die 7 decembris 1604 quæ incipit : Quæcumque a sede apostoilca, nonobstanlibus quibuscumque aliis in contrarium facientibus. Datum Romæ, ex secretaria sanctæ congregationis indulgentiarum, die 22 junii 1846.

Gabriel, cardinalis Ferretti.
Jacobus Gallo, secretarius.       Scellé.

Vidimus et executioni mandamus, et ad indulgentias septem annorum et totidem quadragenarum lucrandas designamus :

1° Diem dominicam qua celebrabitur festum translationis reliquiarum ;
2° Diem festum ss. Petri et Pauli ;
3° Diem festum Assumptionis b. Mariæ ;
4° Diem commemorationis fidelium defunctorum.

Ad lucrandam vero indulgentiam plenariam festi principalis ss. martyrum, assignamus diem dominicam qua celebrabitur festum eorumdem martyrum, mense octobri. Ambiani, die 28 julii 1846.

Maillard. vic. gen. off.

Decretum ex audientia Sanctissimi.

Ad humillimos preces rectoris de parochiali ecclesia loci Montdidier nuncupati Ambianensis diocesis, sanctissimus dominus noster Pius papa IX, annuens ut omnes et singulæ missæ, quæ pro quibusvis sodalibus defunctis piæ confraternitatis sub titulo. ss. m. m. Luglii et. Lugliani in dicta ecclesia canonice erectæ, ad quodlibet ipsius ecclesiæ altare, perpetuis futuris temporibus celebrabuntur, eodem gaudeant privilegio, ac si in altari privilegiato celebratæ fuerint, elementer induisit. ; servatis tamen servandis juxta constitutionem sanctissimi Clementis papæ VIII, subdatum Romæ apud s. Petrum die 7 decembris, 1846, quæ, incipit : Quæcumque a sede apostolica, nonobstantibus quibuscumque aliis in contrarium facientibus. Datum Romæ, ex secretaria sanctæ congregationis indulgentiarum die 22 junii 1846.

Visum et approbatum Ambiani, die 28 julii 1846.

Gabriel Cardinalis Feretti.
Jacobus Gallo secretarius. Scellé.
Maillard vic. gen. off.