Blason santerre.baillet.org

Histoire de Montdidier
Volume III - Pièce justificative 93

par Victor de Beauvillé

Pièce justificative 93

Bulle d'Alexandre III, qui fait défense de bâtir aucune église dans l'étendue des paroisses dépendantes du prieuré de Montdidier, et de recevoir les dîmes de ces paroisses.

Circa 1170.

Alexander, servus servorum Dei, dilectis filiis priori et fratribus ecclesiæ de Montisdesiderio salutem et apostolicam benedictionem. Quanto specialius Cluniacense monasterium ad juridictionem beati Petri et nostrorum pertinere dignoscitur, tanto nos convenit facilius petitiones illas admittere, quæ ad commodum ejusdem monasterii pertinent et profectum. Ea propter, dilecti in Domino filii, vestris justis postulationibus gratum impartientes assensum, auctoritate apostolica arctius inhibimus ne cui liceat infra terminos parrochiarum vestrarum, ecclesiam vel oratorium, sine auctoritate et assensu diœcesani episcopi, abbatis et capituli Cluniacensis de novo construere, salvis authenticis scriptis apostolicæ sedis. Nichilominus etiam præsenti pagina duximus statuendum, ut nullus decimas ad vestras ecclesias pertinentes sine assensu et voluntate abbatis et capituli Cluniacensis præsumat recipere, vel receptus temeritate qualibet retinere. Nulli ergo omnino hominum liceat hanc paginam nostræ constitutionis infringere, vel ei aliquatenus contra ire. Si quis autem hoc attentare præsumpserit, indignationem omnipotentis Dei et beatorum Petri et Pauli apostolorum ejus se noverit incursurum. Datum Anagniæ 4° idus januarii.

*
 

Retour
Retour

Accueil
Suite