Histoire de Montdidier
Livre I - Pièce justificative 18
par Victor de Beauvillé

 

Universis presentes littera inspecturis. Major et scabini juratique et tota communitas ville Montisdesiderii Ambianensis dyocesis salutem. Cum quam plurima enormia et horribilia quorum aliqua heresim immanem continent manifeste contra B nunc side apostolice presidentem ex parte plurium personarum fervore dileccionis sancte matris Ecclesie ac zelo fidei catholice accensarum significata dicta proposita que fuerint presente excellentissimo principe domino nostro Philippo dei Francie rege et multis prelatis pro suarum ecclesiarum negociis congregatis juramenta que assertive prestita ab ipsis illustribus et nobilibus personis ipsa crimina proponentibus et significantibus prout in instrumentis super hoc confectis plenius continetur a quibus, prefatus dominus Rex et prelati instanter et pluries fuerint requisiti ut ad honorem Dei fidei catholice et ecclesie sancti matris super convocatione generalis concilii congregandi per quod fuerit faciendum ad veritatem inquirendam et sciendam super ipsis et aliis loco et tempore congregandis cum ad ipsum regem tanquam ecclesie pugilem precipimus et ad prelatos tanquam ecclesie columnas pertineat laborare operam dare studerent efficacem quod deliberacione diligenti per habita necessario debere fieri visum fuit et ne ad impedimentum convocacionis predicti concilii contra dictum dominum regem regnum suum sibi adherentes contra ipsos prelatos ecclesias suas vel sibi adherentes predictus B per se vel per alium sua vel quavis alia auctoritate procedere vel procedi faceret excommunicando suspendendo interdicendo status ve eorum deprimendo vel alias quoquo modo colore quoqumque quesito ad idem concilium summum que futurium proximum pontificem catholium ex parte ipsorum appelatum extiterit seu eciam provocatum. Nos nolentes sicut nec decet ab ipsorum vestigiis deviare predicti convocacioni concilii pro nobis et nostris subditis consentimus et illud fieri prout nos tangit per presentes supplicamus instanter prefatis appelationibus et provocationibus adherentes et nichilominus ex eisdem causis et sub eisdem formis ipsum concilium summum quæ futurum pontificem et ad illos ad quos faciendum est in hiis scriptis pro nobis et nostris subditis et nobis adherentibus appellamus et eciam provocamus nos nobis subditos et adherentes et aderere nobis volentes protectionem Dei sancte matris ecclesie dicti concilii et aliorum quorum faciendum est in quantum spiritualitatem tangit ad nostram defensionem supponentes protestantes nos appellationem seu provocationem hujus modi innovaturos ubiquando et quociens viderimus expedire. In quorum testimonium sigillum presentibus duximus apponendum. Datum anno Domini M. CCC° tertio die Jovis post festum sanctorum Jacobi et Christofori.

Au dos est écrit : Ambianensis diocesis.

Et plus bas : Pro communitate Montis Desiderii.