Blason santerre.baillet.org

Histoire de Montdidier
Livre I - Pièce justificative 39

par Victor de Beauvillé

Pièce justificative 39

Certificat des maïeur et échevins, concernant l'incendie de 1470.

 

Nous maïeur jurés et eschevins de la ville de Mondidier certiffions à tous qu'il appartiendra que comment pour compacion du feu de meschief qui le XIIIe jour de may mil CCCC soixante dix a print en ladite ville de Mondidier au moien duquel feu toute icelle ville comprins portes et ponts sauf deux eglises la sale du roy et XVIII maisons furent totalement arses brulées et consommées et pour plusieurs autres raisons et considéracions au long déclarées ès lettres patentes de notre très-redoubté seigneur monseigneur le duc de Bourgongne données à Hesdin le premier jour de janvier ou dit an LXX notre dit très-redoubté seigneur de sa grace nous ait donné quictié et par sesdites lettres consenty et accordé entre aultres choses que durant le temps et durée de dix ans continuels et ensuivants l'un l'autre icelle ville et toutes les maisons et heritaiges dudit Mondidier qui luy doivent rentes ou cens annuels à cause de son domaine soient et demeurent francs quictes et exempts des dites rentes et cens affin que les habitans de ladite ville les puissent et tant mieulx aisiement reediffier. Finablement Bauduin Bourguel dit Buffart escuier conseiller de notre dit seigneur et son receveur général ès prevostés et chastellenies de Péronne, Mondidier et Roye en obéissant iceluy seigneur a le contenu en ses dites lettres patentes a tenu et tient ladite ville de Mondidier et ceulx des habitants dicelle qui de notre dit seigneur tenoient a cens leurs maisons et masures francs quictes et exempts de toutes les dites rentes et cens par euls deues pour le dit an commenchant le premier jour d'octobre ou dit an LXX, et finant le derrenier jour de septembre ensuivant mil CCCCLXXI. Tesmoing le sel aux causes dicelle ville de Mondidier cy mis le XVe jour de novembre lan mil CCCC soixante et unze.

Boileaue.

*
 

Retour
Retour

Accueil
Suite