Histoire de Montdidier
Volume III - Pièce justificative 97
par Victor de Beauvillé

Theobaldus, Dei gratia Ambianensis episcopus, universis in perpetuum quibus præsens scriptum videre contigerit , æternam in Domino salutem. In publicum volumus venire notitiam ex constitutis in præsentia nostra, vir nobilis Radulfus de Alphin, et Ingelrannus monachus, ex parte Alardi prioris et capituli Montisdesiderii, cum litteris de rato coram nobis recognoverunt, quod inter ecclesiam Montisdesiderii et dictum Radulphum de Alphin, super terra et mansione de Agumont, et molendmo, et vivario, et nassa, et calceia, et marisco quod situm est inter eamdem calceiam et fossatum eeclesiæ, quærela verteretur, tandem in hunc modum composuerunt : scilicet, pro terra et mansione et marisco, dictus Radulphus de Alphin dictæ ecclesiæ quinque solidos parisienses censuales annuatim in festo beati Remigii persolvendos : scilicet, pro molendino, et nassa, et calceia, reddet annuatim in festo beati Remigii tres modios frumenti, ad mensuram Montisdesiderii, in prædicto molendino accipiendos, et dicto termino nullus in eodem molendino bladum accipiet, donec tres dicti modii frumenti persolvantur. Si aligne casu, frumentum in eodem molendino defecerit, inmolendino de Petraponte, dicti tres modii frumenti persolvantur. Pro vivario, licebit supradictæ ecclesiæ in eodem vivario singulis annis in majore vigilia beatæ Mariæ piscari cum uno piscatore, in navi, et eadem ecclesia debet secare in eodem vivario, et babere annuatim unum mille arundinum. Cæterum supradictus Radulfus omnes molendinarios in eodem molendino constitutos, in ecclesia de Contorio, super sacrosancta, in jure compellet, quod aquam non retinebunt, nec fluere permittent, pro ecclesiæ detrimento. Ante dictos quinque solidos censuales et tres modios frumenti, præscripta censualia quæ ad ecclesiam Montisdesiderii pertinent, adversus eos, qui jure stare noluerint, tenetur ecclesiæ jure et legitime garandire. Recognoverunt et quod isti testes interfuerunt : Henricus, sacrista. Fulco, presbiter. Intergerianus, eleemosinarius et omnes ejusdem ecclesiæ monachi. Andræas, decanus. Adam Belin, presbiter. Magister Petrus Remensis. Odo Hagiet. Magister Nicolaus. Petrus, presbiter de Contorio. Robertus de Turnella. Egidius de Courtemant. Petrus de Regibat. Julius Musca. Eustachius de Hangest. Gaufredus major. Johannes Ducas. Petrus, major de Contorio et multi alii. Nos autem ad petitionem utriusque partis ut omnis tollatur occasio malignandi, recognitionem islam litteris duximus annotari et sigilli nostri appensione muniri, hujus recognitionis testes fuerunt : Theobaldus præpositus et Theobaldus archidiaconus Ambianensis et præcantor, et magister Petrus canonicus Senonensis. Magister Radulphus de Arigo. Magister Joannes de Rugo. Datum per manum cancellarii, anno Verbi incarnati millesimo ducentesimo primo.